依家好多公司或者網店都會整 Facebook 專頁，然後叫自己啲朋友 Like。Facebook 專頁以前叫 “Facebook Fans Page”，依家改左叫 “Facebook Page”，不斷改版之後，依家以 timeline 形式出現。Facebook Page 融合喺 social network 入面，容易吸引人流，有埋人流統計，而且可以向 facebook 買推廣服務，令更加多人 Like 自己個專頁。但其實 Like 並唔係咩新奇嘅事物，相對 web page 只係 RSS subscription。簡單黎講 Facebook Page 只係一頁簡化左嘅多功能網頁。
好少人會將 wordpress.com 同 Facebook Page 拉埋一齊講，除左大家都係免費之外，其實 social networks 係取代左寫 blog 嘅熱潮，好多原本之前寫開 blog 嘅人，轉左用 message 嘅形式同人分享。但 blog 嘅文化依然影響 website 嘅發展，尤其是對 online marketing 相當重要，因為 blog 嘅好處係內容豐富，可以好多篇文章，page 嘅數量同被 search engine search 倒嘅機率差唔多成正比。而 blog service 嘅 data，尤其是 wordpress.com 可以好方便咁 export 升級到 self-hosted wordpress 成為 CMS 形式嘅網站；相反，喺 Facebook Page上面嘅內容缺乏 portability，而且局限一頁，所以唔建議喺 Facebook Page 放大量嘅資訊。
比較好嘅善用免費資源做法係，將內容放喺wordpress.com 或者 Blogger，然後用一啲 rss feed 嘅service，例如 dlvr.it，就可以自動將 blog 上面每一篇第一張相片加埋文字嘅撮要，feed 到 facebook Page。咁嘅話可以令 facebook Page 簡化同整齊，一頁可以顯視更多更耐之前嘅內容，喺手機上面睇嘅好處仲見明顯，想睇 detail 可以 click 番去 blog 睇，而且 blog 有search 功能同可以分類，適合存放更多資料。
Reference: