好多網頁設計師都唔重視 SEO (search engine optimization)，包括我自己一直都以為 SEO 只係打灑啲最 common 嘅 keywords 入 meta tags，對 search engine 嘅作弊手法。但現今嘅 search engine 為左 search result 更加準確，針對作弊不斷俢正改良，依家嘅 SEO 同 HTML5 可以話係同 search engine 溝通嘅一種藝術。
以前無 internet 嘅時候，啲人會查黃頁依類分類廣告。初初 Yahoo 大紅大紫時，都係類似黃頁咁由人手將網頁分類。但自從 Google 出現之後，大幅將 search result 嘅精準度提高，再加上大數據年代，面對海量嘅資訊量，就算去到網站入面好多時都需要再 search 先可以揾倒自己想要嘅資訊。所以 SEO-friendliness 無論對外還是對內，都係網頁設計嘅要素之一。Search engine 只會 cache 起網站嘅少部份去加快搜尋速度，所以要明白每一頁最重要係條URL，第二係 Title，之後先到放喺 source code 入面嘅 meta tags。因此可以通過觀察 URL 同 Title 去判斷一個網站夠唔夠 SEO-friendliness。
例如一個生果店嘅網頁，賣橙果頁條URL最好係 “http://fruitshop.com/orange”，就係咁多，無 www 或者 .php 尾；而 Title 大致上應該係 “橙 | 生果店名 | 新鮮、好味、多汁” 可以打到好長，唔會每一頁都一樣。以往曾經興起過 querystring，姐係一串 “http://www.fruitshop.com/index.php?fruit=orange&pageid=23479974” 依類 URL 已經不合時宜。另外中文網址係好睇唔好食，尤其是 yahoo 唔係好識睇中文，非常不利。
WordPress 之所以急速冒起，其中一個因素係佢可以做到理想嘅 URL，自動將文章嘅題目變成URL，就算係中文嘅題目，都有 plugin 自動翻譯成英文放到 URL 上面。
Reference: