網站質素之所以能夠不斷提升，係因為已經有好多複雜嘅部份都做到 reusable，比較大型嘅會以 framework 或者 system 形式出現。要做到能夠具成本效益之下制作大量高質素又複雜嘅網站，唔單止要運用合適嘅 framework 或者 wordpress 依類 CMS 作為 platform，而且仲要喺 platform 之上 reuse 大量 plugin, widget, library, source code 等。制作大量有共用特性，例如 responsive layout, SEO-friendly 嘅網站，最好係專注一至兩個合適嘅 framework，盡用 framework 同 CMS 嘅 customization 空間制作多樣化嘅網站。
Themify Framework 喺 2013 年 7 月出現，唔單止有 Drag & Drop page builder，可以靈活彈性咁制作唔同類型嘅 fully responsive layout，仲有 img.php 處理 image 縮放，減低 mobile device 嘅 data flow，而且內置 cache 可以加强 performance。版面方面有好多常用嘅 widget，包括 slider, tab, video, map 等，為設計師省卻大量 coding 嘅工序，專注於 graphic 同 customization。Themify 每個 theme 都係建基於相同嘅 framework 而且保持不斷 update，當中 Basic theme 係我常用嘅 starter theme。我相當滿意佢嘅 responsive design 處理，喺 pad 同 desktop 嘅版面應該要近似，喺 pad 繼續有 sidebar，而 pancake button 嘅 480px 以下出現唔會太早。用 HTML5 而且 structure 合理，方便加入 custom CSS 做出各種唔同 style 嘅 theme design。