我造過WS2812 HSB 色彩校正之後，發覺 CIE color chart 嘅 wavelength 唔能夠反映色階變化嘅幅度，於是決定買一堆 LED 返黎，基於 Hue 畫返好個 chart，揾出邊對色係互補色可以混出白光。淘宝可以買倒方便銲接嘅大功率3W LED 比好多年前我大概買過一次睇過多左啲色，LED 啲 wavelength 都係用一個 range 表示係一個大約数，而且低 load 時波長會短啲；因為我以開到好暗用眼直望粒 LED 啲色為準，所以一律用最細数 nm 去形容。可見光 LED 分両個電壓，由 400-560nm 嘅 3V 買左 12粒，585-660nm 嘅 2V 就買左 6粒銲晒落鋁基板方便比較，再隔住均光板喺銲晒 6粒 LED 嘅鋁基板上面分別射 620nm, 660nm 紅色同 460nm藍色，就可以睇倒唔同色嘅 LED 最能夠混出白色。
另外我買左 AS7341 colorimeter 模块返黎試用，當中可見光嘅 channel 有 (415, 445, 480, 515, 555, 590, 630, 680) nm ，用黎測所有LED燈珠之後，再測 WS2812 同我個 IPS 芒嘅 RGB，發覺每條 channel 嘅光度唔準確但峰值值得參考可以用黎造比較。数值加肉眼所見，我發現芒嘅藍色峰值竟然比 WS2812 更短有啲紫色先啱去到大約 450nm，綠色應該唔係 550nm 而係大約 540nm，紅色應該同 WS2812 一樣係 620nm。我用緊嘅芒啲色應該算有一定準確程度，但我跟番 sRGB CIE color chart 個色域三角形作為參考。
觀察所得，紅色無論 620nm 定 660nm 嘅互補色明顯係人眼 Rod sensor 嘅峰值係 495nm，但因為紅色嘅染色力好強，睇幾秒同睇一分鐘啲色因為人眼 white balance 嘅效果會唔同晒，混出黎其實係黃黃地嘅奶白色，睇得耐適應左之後會再白啲。sRGB 嘅 cyan 係紅色嘅互補色 ，但其實只係 460nm 同 495nm 之間 480nm 嘅淺藍色，而 495nm 係感覺特別清新果隻湖水綠，喺一堆藍至綠嘅 LED 之中最無色，又可以話最似白色。 令一方面，460nm 藍色嘅互補色容易睇好多，由 560nm 至 590nm 都可以混出白色，會有輕微帶粉紅色一定同 “紅青” 両隻色混出黎嘅白色唔同。睇過之後我覺得人眼嘅 white balance 係 balance 主導無乜白色嘅概念，所以 CIE chart 用白色造參考畫成色域係三角形嘅意思唔大，我寧願用圓形表達平均色階變化為先，再用曲線補番三對互補色，数值同 CIE chart 一樣。
我用四粒 LED 出黎模擬 RYCB四原色效果，如果話好似整一粒大大粒嘅 WS2812，倒不如話想整一粒 3W RGB LED 嘅四原色版，光度比幾十粒 WS2812 夾埋更高，超出 USB 500mA 供電上限，於是要用電池供電。大功率 LED 嘅 RGB 同 WS2812 一樣係用 460nm, 520nm, 620nm，而我開始時係用 460nm, 490nm, 560nm, 660nm；要獨立每隻色控制光度嘅話，淘宝有 “PWM恒流可調模块” 可以用板上面嘅可調電阻效光度，解決黃光最光而紅同藍係最暗特質嘅問題，之後用再 PWM 微調光度。我用過先知由 3.3V GPIO 出嘅 PWM 只可以控制倒 2V LED，3V LED 嘅話要用 5V電平嘅 PWM，所以要再加 “3.3V轉5V电平轉换模块” 。我將一大堆野銲晒落 6*4 PCB 板方便插喺 Wemos D1 R2 上面之後，遇到 LED 燈珠距離遠而造成均色困難嘅問題，要用到幾層 2mm 厚 “磨砂PP板“，均光板同光源距離越遠效果越好。
我原本已經用 Blynk library 個 UI 調效 WS2812 嘅 HSB，所以只需要再喺 web 同 mobile app 嘅 UI 加埋 4 條 PWM 嘅 range slider 就可以睇倒四原色嘅混色效果。我用 Wemos D1 R2 嘅 D5 至 D8 pin PWM 輸出，但 D8 pin 高電平會 boot 唔倒机，所以只可以駁 2V 嘅紅色 LED，其他 3粒 3V LED 經 “3.3V轉5V电平轉换” 用 5V PWM 控制。一般控制摩打嘅 PWM 因為避免噪音，會用 20000Hz 以上頻率，但控制 LED 嘅 “PWM恒流模块” 我用 analogWriteFreq(400); 降到 400Hz 低頻先可以喺 PWM = 1 著得晒四粒 LED。
要睇晒所有色最簡單嘅方法係用 Illustrator 畫個正方形然後開 Color Picker 可以好方便用 HSB 個 Hue 靠 mouse wheel 轉色；唔小人靠色彩用得多都有個概念馴紅同深綠色出唔倒。我將四原色出倒嘅色喺芒上面用同一光度比較，大約只需要開到 PWM 32，所以芒嘅光度標準 120 nits 其實係好低。結果係出符我意料之外，cyan 一大段顏色同芒嘅顏色完全嘅両個世界，sRGB 最缺深綠至深藍嘅鮮色，其次因為 sRGB 嘅藍色好暗，馴紅色至紫色一段高亮度鮮色從來無喺芒出現過，效果都差好遠。
當我將四原色同 WS2812 比較時，發覺佢嘅 520nm 綠色效果好得多，藍小小嘅湖水綠就無 490nm LED 咁鮮色，但 490nm + 560nm 黃色混出黎嘅綠嘅效果唔好，甚至比 sRGB 嘅綠色差小小。因為無 510nm 燈珠，520nm 嘅效果喺 ws2812 唔算最理想，而且感覺上 500nm 嘅色差係 460nm 同 560nm 正中間，即係話人眼對 500nm 至 560nm 嘅綠色分辦能力係弱啲， 亦反映左喺 CIE chart 上；最後我將 490nm 換成 500nm 之後效果令我滿意，而且感受到 10nm 之差有唔小分別。雖然 500nm + 660nm 黃黃地唔係白色，但加埋 460nm 同 560nm 之後四粒 LED 同等光度混出黎嘅 white balance 都唔錯。
即係話 rod 嘅峰值用 500nm 去形容相對準確而且係原色嘅特質， 人眼主要係集藍至綠光造 red balance 清除紅色，次要先係 white balance 提供更多色彩。因為芒係低光度，原色應該以低光度嘅 cloudy 光線為準，陰天見倒最綠嘅樹葉果隻色就係 500nm，又可以叫 “交通綠” 用喺交通燈，而常見嘅綠係太陽之下見倒嘅綠葉係 520nm。現時相机嘅 sensor 紅色係 cut 多左好多可見光波段，cloudy 同 sunlight 啲紅色份量其實差好遠，唔可能用 sunlight造指標。
如果造 printing 喺話用 Illustrator 嘅 CMYK color profile 啲色會淡左好多就番喺芒睇色準， print 出黎啲色會好準無問題，但如果影相用 Photoshop 執完相用 sRGB print 落有 coating 嘅 A4 相紙，就算部 inkjet printer 係普通 CMYK 四色款，色域比普通紙闊，深色嘅 cyan 其實比 sRGB 更鮮更濃就係最大色差問題，相對 printer 表現最弱最淡嘅色就係芒嘅 RGB 三原色。
一般理解 CMYK 同 RGB 嘅差別會用 “減色” 同 “加色” 去分，CMYK 嘅原色建基於 RGB 反轉，再加 K 嘅黑色增加 constrast 比 CMY 混出黎嘅黑更黑。但如果諗真啲，白色可以無限大，黑色最盡係 -273K 絶對零度先係絶對值低 “熵” 低乱度嘅特質，應該掉番轉諗 RGB “加色” 越光越 “熵增”，所以由黑色開始造參考比由白紙 printing 造參考更合理更準確；但現時例如 color rendering index (CRI) 都係基於 printing 色準測量環境光，而唔係我嘅諗法用單一波長嘅四原色 LED 混出白色造參考比 printing 對色用。
“減色” 同 “加色” 嘅對立理論根本唔正確，想像鄰近嘅 “紅黃” 無論 printing 定 monitor 混出黎都一樣係 “橙”，而且色嘅份量應該両者減半總数保持一份先啱，所以無論由黑底定白定開始都係加灰色有一半 desaturate 效果所以一樣。但如果隔得遠例如 “藍黃”，printing 係好直覺嘅 “綠”，但 monitor 係 “粉紅”，特質係 white balance 同 black balance 嘅對立關係以 desaturate 主導，於是出現 “色彩對立理論”。所以無論係 “吸光” 定 “發光” ，”三原色” 都無法好好涵蓋所有顏色，但 “RYCB四原色” 足夠 “鄰近” 嘅特質，printing “吸光” 嘅原色根本可以同 monitor “發光” 原色一樣再加 K 黑色就可以，由 CMYK 改為 RYCBK。
Reference: