iPhone 同 iPad 嘅冒起令 Flash 間接走向淘汰邊緣，同時多左好多人用細屏幕去睇網頁。雖然手機裏面嘅 browser 已經特別設計，可以睇倒一般喺 desktop 大 mon 睇得舒舒服服嘅網頁，但喺個細左幾倍，得四五寸嘅 mon 上面睇，成日要拉大縮細好唔方便。流動上網成為潮流，同時亦係網頁設計係惡夢開始；一個網頁要同時兼顧由四寸至廿寸以上嘅 mon，又要考慮遇著細 mon 時流量要盡量減低，遷就網速較慢流動網絡因素。
HTML5 成為主流，主要係因為 mobile 方面嘅運用。要分辨 mon 嘅大細，主要靠 device-width 嘅 parameter。2012 年成為 web 界熱門話題嘅 responsive layout，或者叫 Responsive Web Design (RWD)。原理係因應唔同 device-width，輸出唔同 style，就咁隨手改變 browser 嘅闊度已經會睇倒。但 responsive layout 惹黎大量爭論嘅地方係佢無減低 data flow，喺 mobile 上面嘅反應比喺 desktop 更慢；於是有人會改用 apps 嘅方案。Apps速度一定快得多，因為絶大部份 data 都預先裝喺 mobile 嘅 OS 上面，但又惹黎另外一啲問題，包括需要 install，需要 update，而最嚴重嘅係 device 同 OS 嘅多樣性問題。相反用 responsive layout 嘅話，因為 broswer 跟從 W3C 以 HTML5 方向發展，有一定一致性，唔需要理會 hardware 嘅問題，方便簡單得多。