Pinterest 喺 2013 年人氣急升，佢用左一種本來沿自 Google Image search 嘅 Masonry layout。依家 Google+ Page 同唔少網站設計都喜歡用依種比 responsive layout 更靈活，可以充份運用屏幕空間之餘，又適合喺手機觀賞嘅設計。因為一睇倒依種砌磚形式嘅 layout 就諗起 Pinterest，所以啲人索性叫依種做 Pinterest style。
Pinterest style 除左可以滿足現今手機上網嘅需求之外，因為佢通常會用 AJAX，做到 infinite scroll，同 Google Image search 一樣睇幾多 load 幾多，唔需要 click 下一頁reload，所以速度係 Pinterest style 嘅優點。而依種 layout 比較適合以相片為主嘅網站，以至售賣產品嘅網店都適合採用。因為依種設計理念比 responsive layout 更加新，採用嘅網站同 theme 嘅數量更加少。但係因為佢擁有 dedicated mobile theme 喺手機上面嘅觀感同速度嘅優點，結構簡單，甚至比傳統設計適合大屏幕，又適合 RSS串流形式輸出，相信將來會係其中一種主流設計。