拍片因為唔同影相可以影raw，畫質係受制於 max bitrate 而唔係 sensor 或者鏡頭，如果無 10bit 或者叫 HDR10 format 而只限於 8bit 嘅話，後制可調色彩空間相當有限，所以一定要影嘅時候就 set 好 white balance 同 exposure。就算用細 sensor 嘅手机影 wide 鏡嘅片，只要足夠 bitrate，畫質同相机唔會有大分別；但手机對 tele 無能為力，越 tele 越有避震問題，就越凸顯用相机拍片嘅價值。
“避震” 可以話係拍片硬件上最大嘅考驗，其中一個緩解方法係拍 slowmo。市面上有啲机種例如 Sony Rx10iv 可以拍 960fps slowmo，而且佢有 trigger mode 可以用 buffer 錄低幾秒嘅變化，發生左之後先黚制抄番落咭；但睇清楚 manual 嘅 HFR Settings 嘅話，fps 越高 resolution 越低，而且只限 50Mbps 瓜分超過 fps，所以畫質唔會好得去邊。
1寸甚至更細 sensor 加上自帶鏡頭一体化嘅机種，因為有 power zoom，加上 encode 時針對性修正埋鏡頭嘅缺點，加上有EVF、扭芒、10bit，都係我認為拍片嘅重要功能。我用 Sony A6300 APS 机加 18-125mm 有近似特質但無 8bit，max bitrate 係 100Mbps，夠拍 4K 25fps 或者 1080p 100fps。如果拍 slowmo 唔係為科研嘅逼真度而只求視覺效果嘅話，100fps 對番燈嘅頻閃再用 Davince Resolve Studio 嘅 optical flow 一插三造出 12.5% 8X slowmo 50fps 影片效果係最好。因為 optical flow 要認上一幅同下一幅畫面上移動距離唔可以太遠，所以拍 100fps 就一定係 set 死用 1/100 快門吸晒所有光，移動嘅野都係一條有 motion blur 效果再估番中間啲隔数，同硬件式高 fps 快快門拍出黎嘅效果唔同。
人眼最低要50fps 嘅影片先會有暢順嘅感覺，但效果唔係 1/50 快門，而係超高速快門嘅效果，而且可以喺夜晚以黑白嘅形式睇倒超高速移動嘅物件；所以人眼相對相机 sensor 係超高靈敏度。sensor 相對人眼最大嘅优勢在於可以感測人眼睇唔倒嘅 “紅外光”，但要拆左 sensor 前面塊紅外濾鏡先有咁嘅特質，大約可以令光量多一倍，但全畫面會嚴重偏紅，而且陽光同陰天嘅 white balance 會差好遠，就算加番 infared cut filter 都比原廠弱得多，令鏡頭紫邊問題更明顯，帶黎好多唔方便。
“紅外” 效果最主要係樹葉由綠色變成紅色，原理同 “螢光” 一樣，不過一般螢光係由 “紫外線” 轉為相對低頻嘅 “可見光”，而樹葉係由 “藍” 或 “紅” 光轉為人眼睇唔倒嘅 “紅外光”，所以只有相机先會睇倒。色彩完全係因為人眼同相机有 white balance 而產生，世界除左 LED 產生單一頻率色彩之外，其他顏色都唔係絶對，唔存在真或假色彩；要造 “紅外” 效果其實可以用軟件轉色並唔困難，我只係因為想從相机 sensor 嘅角度睇世界，先覺得值得用改紅外相机。
Live demo:
Reference: