Web 界有句名言：”Content is King”。一個網站嘅頁數同 search engine 可以揾倒你嘅機率差唔多成正比，依個既係直覺亦係事實。所以 CMS (Content Management System) 或者 blog 被喻為新一代嘅網站形式，方便加入新內容同不斷累積內容對於網站爆光率相當重要。傳統用 Dreamweaver 逐頁逐頁由 HTML 開始寫，以頁數計網站制作費用嘅方式明顯同時代脫節。一個網站長期無新內容加入，無論人或者 search engine 都會對網站上面所講嘅業務或者內容準確度產生懷疑，喺大數據時代，多啲子細，原創同有獨特見解，有理據支持嘅內容，先可以嬴得讀者同 search engine 喺信任。
例如整一間網店，有幾百種貨品，每件貨品有專屬一頁去描述，成個網有幾百頁係一個理想做法。但新店開張時，往往會由幾十件貨品開始，然後慢慢累進；因為資料輸入以至貨品嘅相片拍攝都需要時間，顧客需要時間去揾倒新店之餘，search engine 都需要時間去 index 一個新 domain 嘅內容。所以萬事起頭難，初頭要提升人流嘅話，需要付出廣告費喺social network或者paid search嘅search engine廣告上面，或者叫 PPC(pay-per-click) 係無可避免。反而應該將注意力放喺點樣可以比顧客知道陸逐有黎會加入既新貨品，所以 rss feed, email newsletter, facebook like 依啲可以比顧客可以好方便知道網站新資訊嘅 marketing media 每一個環節都咁重要，屬於 Inbound marketing，亦係 content 嘅功力。如果無法成功得到顧客 subscribe，退而求其次就係 Interruption marketing，包括一啲會令人反感嘅宣傳手法倒如 email spam, 電視廣告等等。